Çmimi i karburantit në vendin tonë është aktualisht lajmi i ditës. Çmimi i një litri naftë është afër 200 lekë, më i larti i regjistruar ndonjëherë.Por duket se nuk do ndalet me kaq.Sipas deklaratës së ministres së Ekonomisë dhe Financave, Delina Ibrahimaj ka gjasë që kjo rritje të vazhdojë.
Duket se rritja e çmimit ka sjellë reagime të forta në rrjete sociale dhe jo vetëm. Por si gjithmonë, ka pasur nga ata që e kanë trajtuar këtë temë kaq delikate me humor dhe ironi. Nuk kanë munguar memet e ndryshme, por edhe batutat. Të shumtë kanë qenë ata që nëpërmjet memeve kanë ironizuar qeverinë dhe Edi Ramën për këtë rritje çmimesh.
Veçmas rëndesës që kjo rritje do t’i shkaktojë xhepave të shqiptarëve, kjo temë të paktën për momentin ka shërbyer edhe për memet e rradhës që kanë marrë pëlqime pa fund në rrjetet sociale.
